zoom app firefox zoom portal download download/zoom.us zoom download for windows 10 desktop zoom meeting download windows 10 deutsch zoom download app for pc zoom web app

आर्थिक संकटले ग्रसित श्रीलंकालाई भारतको सहयोग

   २९ चैत्र २०७८, मंगलवार १४:५३  

यितेन्द्र शर्मा
आर्थिक संकटबाट ग्रसित श्रीलंकालाई भारतले एक पटक फेरी पनि मदत गरेको छ । श्रीलंकाले आग्रह गरेको २४ घण्टा भित्र नै श्रीलंकालाई ३७ हजार मेट्रिकटन पेट्रोल र ४० हजार मेट्रिक टन डिजेलको छुट्टा–छुट्टै खेप भारतले पठाएको छ । यसबाट त्यहाँका सरकार र जनताले राहतको अनुभूति गरेका छन् । अहिलेसम्म भारतले श्रीलंकालाई २ लाख ७० हजार मेट्रिक टन भन्दा बढीको इन्धन आपूर्ति सहायता गरिसकेको छ ।
भारतका विदेशमन्त्री एस जयशंकरले छिमेकी पहिलेको भारतको नीति अन्तरगत आफ्नो देशले श्रीलंकालाई संकटमा परेको बेला खाद्यान्न, इन्धन तथा औषधीको सहायता गरिरहेको छ । अहिले श्रीलंकामा खाद्य पदार्थ तथा इन्धनको व्यापक अभाव छ भने बिजुलीको कटौती पनि चर्को रुपमा रहेका कारण जनता सरकारको विरोधमा सडकमा उत्रेका छन् ।
भारतीय विदेशमन्त्रीले श्रीलंकालाई इन्धन बाहेक पनि धेरै तरिकाले सहयोग पठाउने गरेको भन्दै औषधी र खाद्यान्नको सहायताका लागि श्रीलंकाको सरकारले भारतका प्रधानमन्त्री तथा भारत सरकारप्रति धन्यवाद पनि दिएको बताएका छन् ।
श्रीलंका अहिले गम्भिर आर्थिक संकटको सामना गरिरहेको छ । कोभिड–१९ का कारण पनि यसको अर्थतन्त्र कमजोर हुन गएको छ । चिनियाँ ऋणको भारीले झनै थिचिन पुगेको यस द्वीपको मुद्राको अवमुल्यको क्रम पनि जारी छ । विदेशी मुद्राको संचिति साह«ै न्यून हुन पुगेको छ । पर्यटन व्यवसाय चौपट छ । वैदेशिक रोजगारमा गएकाहरु स्वदेश फर्किन थालेका छन् ।
भारतले फेरी पनि १ बिलियन अमेरिकी डलरको आर्थिक सहायता दिने घोषणा गरेको छ । यस ऋण सहयोगले श्रीलंकालाई आर्थिक संकटबाट बाहिर आउन र कम्तिमा पनि खाद्यान्न संकटको सामना गर्न सहयोग पु¥याउनेछ ।
श्रीलंकाली राष्ट्रपति गोटाबाया राजापाक्षेले भारतीय प्रधानमन्त्री नरेन्द्र मोदिसित भेट गरी भारतको आर्थिक सहायता र सहयोगको लागि प्रशंसा गरेका छन् । महिना दिनमै दुई पटक भारतको भ्रमण गरेका श्रीलंकाली राष्ट्रपतिलाई मोदीले छिमेकी पहिलो को आफ्नो देशको नीति अन्तरगत भारतले सहयोग गरेको र भविष्यमा पनि सहयोग गरिरहने आश्वासन दिनुभयो । भारतले गत फेबु्रअरीमाा श्रीलंकालाई ५०० मिलियन अमेरिकी डलरको सहयोग इन्धन खरिदका लागि तथा एक सय टन नैनो नाइट्रोजन लिक्विड ग्यास सहयोग गरेको थियो । श्रीलंकाले रासायनिक मलको उपयोगमाथि रोक लगाएका कारण यो सहायता उसको निम्ति सहयोगी सावित भएको छ । आर्थिक संकटका कारण विभिन्न समस्याले ग्रसित श्रीलंकालाई तत्काल राहतको आवश्यकता छ र भारत उसलाई सहयोग गरिरहेको छ ।

फेसबुकबाट तपाईको प्रतिक्रिया सबै