चिनमा कोरोना महामारीको कहर बढ्दै, थप ७ को मृत्यु

   बैशाख ८, २०७९  
409 Shares

संघाई । कोरोना भाइरस पुन चिनमा महामारीको रुपमा फैलिदै गएको छ ।

चीनको सांघाईमा कोरोना भाइरसबाट बुधबार थप सात जनाको मृत्यु भएको हो । सांघाईमा कोभिडबाट मृत्युको संख्या १७ पुगेको छ । यसअघि सांघाईमा कोभिडबाट सोमबार तीन र मंगलबार सात जनाको मृत्यु भएको त्यहाँको स्वास्थ्य आयोगले जनाएको थियो ।

 तीब्ररूपमा फैलिएको ओमिक्रोन भाइरसका कारण साढे दुई करोड जनसंख्या भएको सांघाईमा संक्रमितको संख्या दिनहुँ बढिरहेको छ । महामारीसँग जुध्न सरकारले कडा प्रतिबन्ध र सामूहिक परीक्षणको दायर बढाएको छ ।

पछिल्लो पटक मृत्यु भएका सातै जना दीर्घरोगी भएको बताइएको छ । अधिकारीहरूका अनुसार उनीहरू फोक्सोको क्यान्सर र सुगरबाट पनि पीडित थिए । मृत्यु भएकामध्ये पाँच जना ७० वर्षमाथिका रहेका बताइएको छ । 

‘अस्पताल भर्ना भएपछि बिरामीहरु गम्भीर अवस्थामा पुगेका थिए । निस्प्रभावी उद्दार प्रयत्नपछि उनीहरुको मृत्यु भयो । मृत्युको मुख्य कारण दीर्घकालिन रोग हो’, सांघाई सरकारले एक विज्ञप्तिमा भनेको छ । 

यसैबीच, सांघाईमा बुधबार थप १८ हजार नयाँ संक्रमित भेटिएका छन् । 

फेसबुकबाट तपाईको प्रतिक्रिया सबै