मुम्बई । इण्डियन प्रिमियर लिग (आइपिएल) मा आज ठूलो उलटफेर भएको छ ।
सनराइजर्स हैदरावादले रोयल च्यालेन्जर्स बैंगलोरलाई ९ विकेटले पराजित गरेको हो । बैंगलोरले दिएको ६९ रनको लक्ष्य पछाएको सनराइजर्सले ८ ओभरमा एक विकेट गुमाएर लक्ष्य पुरा गरे ।
सनराइजर्सका लागि अभिषेक शर्माले ४७ रन बनाए, कप्तान केन विलियम्सनले अविजित १५ रन र राहुल त्रिपाठीले अविजित ७ रन बनाए ।
यसअघि टस हारेर पहिला ब्याटिंग गरेको बैंगलोरले १६.१ ओभरमा अलआउट हुदै केवल ६८ रन बनाएको थियो ।
बैंगलोरका लागि सुयाश प्रभुदेसाईले सर्बाधिक १५ रन बनाए भने ग्लेन म्याक्सवेलले १२ रन बनाए । बैंगलोरका अन्य ब्याट्सम्यानले दोहोरो अंकमा रन बनाउन सकेनन् । बैंगलोरका प्रमुख ब्याट्सम्यान विराट कोहली, दिनेश कार्तिक र अनुज रावत शुन्यमा आउट भएका थिए भने कप्तान फाफ डु प्लेसिस ५ रन बनाएर आउट भएका थिए ।
सनराइजर्सका बलर मार्को जानसेन र टी नटराजनले ३-३ विकेट लिएका थिए । त्यस्तै जगदीषा सुचिथले २ विकेट लिए ।
यो जितपछि सनराइजर्सको ७ खेलमा ५ जितसहित १० अंक हासिल गर्दै दोस्रो स्थानमा उक्लिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन