धनुषामा ट्रकमा मुसा ठोक्किदा तीन जनाको मृत्यु

जनकपुरधाम, १३ वैशाख । धनुषाको क्षिरेश्वरनाथ नगरपालिकामा रोकिरहेको मालबाहक ट्रकमा मोटरसाइकल ठोक्किएर भएको दुर्घटनामा तीन जनाको मृत्यु भएको छ ।
क्षिरेश्वरनाथ नगरपालिका ५ स्थित ग्रामिण सडक खण्डमा रोकिराखेको ना.२ ख ८६२४ नम्बरको ट्रकमा तीन जना सवार लु. ८३ प ८६५२ नम्बरको मोटरसाइकल ठोक्किएर दुर्घना भएको धनुषा प्रहरीका प्रबक्ता एवं डीएसपी जितेन्द्रकुमार बस्नेतले जानकारी दिए । मोटरसाइकलमा सवार तीनै जनाको घट्ना स्थलमै मृत्यु भएको उनले भने ।
मृतक तीनै जनाको शवलाई पोष्टमार्टमका लागि जनकपुरधाम स्थित प्रादेशिक अस्पताल ल्याइएको छ । डिएसपी बस्नेतका अनुसार मृतक मध्ये एक जनाको सनाखत भएको छ । जनकपुरधाम उपमहानगरपालिका ४ का २० वर्षीय सुमित भिण्डेबालको रुपमा सनाखत भएको छ भने अन्यको पहिचान हुनसकेको छैन ।
बाटोमा रोकिराखेका ट्रक र त्यसका चालकलाई नियन्त्रणमा लिई अवश्याक अनुसन्धान भइरहेको जिल्ला प्रहरी कार्यालय धनुषाले जनाएको छ ।