रोयल च्यालेन्जर्स बैंगलोरलाई हराउदै राजस्थान शीर्ष स्थानमा

मुम्बई १४ वैशाख । इन्डियन प्रिमियर लिग (आईपीएल) मा राजस्थान रोयल्स अंक तालिकाको शीर्ष स्थानमा उक्लिएको छ ।
मंगलवार राति भएको खेलमा रोयल च्यालेन्जर्स बैंगलोरलाई २९ रनले पराजित गर्दै राजस्थानले जारी आईपीएलमा ६ र्औ जित हाँसिल गरेको हो ।
पहिले ब्याटिङ गरेको राजस्थान ले बैंग्लोर सामु १४५ रनको लक्ष्य चुनौती दिएका थिए । उक्त लक्ष्य पछ्रयाएको बैंग्लोर १९ ओभर ३ बल खेल्दै ११५ रन मात्रै बनाउन सके ।
राजस्थानको लागि रियान परागले ५६ रन, कप्तान सन्जू सामसनले २७ रन, रविचनद्र आश्विनले १७ र दर्याद मिचेलले १६ रनको योगदान गरेको थियो । यस्तै बैंगलोरका लागि कप्तान फाप डु प्लेसिसले सर्वाधिक २३ रन जोडे, वानिन्दु हसरंगाले १८, साहबाज अहमेदले १७ र रजत पाटिदरले १६ रन बनाए । अन्य खेलाडीले दोहोरो अंक जोड्न सकेनन् ।