नेपालस्थित चिनियाँ राजदूतावासले साइबर अपराधमा संलग्न चिनियाँ नागरिकलाई रिहा गर्न दबाब दिन थालेको छ ।
नेपाल प्रहरीले काठमाडौंका विभिन्न स्थानमा अवैध रुपमा लुकेर बसेका २२ जना चिनियाँ नागरिकलाई पक्राउ गरेको थियो । प्रहरीको प्रारम्भिक अनुसन्धानमा उनीहरु भिजिट भिसामा आएर सोको आवरणमा व्यापार गर्ने र लुकेर ह्याकिङदेखि अनलाइन गेमिङदेखि नेपालमा प्रतिबन्ध साइबर अपराह गर्दै आएका थिए । त्यस्तै केहीको भिसा सकिएर लुकेर बस्दै साइबर अपराधमा संलग्न रहेको पाइएको छ ।
हिरासतमा राखेर उनीहरुमाथि थप अनुसन्धान भइरहेका बेला बालुवाटारस्थित चिनियाँ राजदूतावासले आफूलाई बुझाउन प्रहरी प्रशासनलाई दबाब दिएको प्रहरीका एक उच्च अधिकारीले बताए । अवैध ह्याकिङ र गेमिङ गरेको आरोपमा पक्राउ परेका उनीहरुलाई चिनियाँ दूतावासले भने भिसा सकिएको र ओभर स्टेको कुरा गरेर जरिवानासहित छोड्न दबाब दिइरहेको स्रोतले जनाएको छ ।
पक्राउ परेका २२ जना चिनियाँबाट ३० भन्दा बढी ल्यापटप, मोबाइल फोन प्रहरीले बरामद गरेको छ । हाइटेक प्रविधिबाट अपराध गर्ने उनीहरुको पुरानै धन्दा हो । यसअघि पनि एटिएम ह्याक गरेर करोडौं नेपाली रुपैयाँ लुट्न खोजेका चिनियाँ नागरिकलाई प्रहरीले पक्राउ गरेको थियो । प्रविधिको दुरुपयोग गरी चिनियाँहरुले नेपाललाई अपराधको सेल्टर बनाएका बेला चिनियाँ दूतावासले भने पटक पटक जघन्य अपराधमा संलग्न चिनियाँ नागरिकलाई छुटाउँदै लग्दै गरेको छ ।
यसपालि पनि छुटाउन दबाब दिएको सुरक्षा अधिकारी बताउँछन् । पक्राउ परेका चिनियाँहरुलाई दरबारमार्ग, नयाँ बानेश्वर, महाराजगञ्ज र टेकुमा राखिएको महानगरीय प्रहरी अपराध महाशाखाले जनाएको छ । पक्राउ परेकामध्ये १० जना महिला छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन