पिटिभीबाट भिभिआईपीको कार्यक्रम प्रशारण नहुँदा पाकिस्तानमा १७ जनाको जागिर चट

पाकिस्तानी प्रधानमन्त्रीको कार्यक्रमलाई लाइभ नगरेको रिसमा पाकिस्तानको सरकारी च्यानल (पिटिभी) का १७ कर्मचारीलाई निलम्बन गरेको घटना सार्वजनिक भएको छ ।
उनीहरुको गल्ती यति मात्रै थियो कि उनीहरुले प्रधानमन्त्री शाहबाज शरीफको लाहोर भ्रमणको कभरेज प्रसारण गर्न सकेनन् । रमाइलो कुरा के थियो भने कभरेज गर्न नसक्नुको कारण त्यतिबेला हाइटेक ल्यापटपको अभाव थियो ।
निलम्बनमा परेका कर्मचारीहरुले पुरानो सरकारमा नियुक्त भएका पदाधिकारीहरुले ठूला अनुहार बचाउन बलिको बोका बनाएको बताएका छन् । लापरबाही गरेको आरोपमा निलम्बित भएका कर्मचारीहरुमा इन्जिनियर, क्यामेरामेन, कार्यक्रम प्रबन्धक र धेरै भिडियो निर्माताहरु रहेका छन् ।
डन अखबारको रिपोर्टका अनुसार शाहबाज शरीफले २४ अप्रिलमा लाहोरको कोट लखपत जेल र रमजान बजारको भ्रमण गरेका थिए । पीटीभीलाई भ्रमणको बारेमा पहिल्यै जानकारी दिइएको थियो, तर उनीहरूले शरीफ सँग हाइटेक ल्यापटप नभएकाले उनको भ्रमणको भिडियो अपलोड गर्न सकेनन् ।
प्रोटोकल अनुसार, एक रिपोर्टर र एक निर्माताको भिभिआईपी टोली प्रधानमन्त्रीको कभरेजको लागि जिम्मेवार छ । तिनीहरूसँग प्रसारण र लाइभ स्ट्रिमिङका लागि नवीनतम ग्याजेटहरू छन् । उहाँहरु प्रधानमन्त्रीको स्वदेश तथा विदेश भ्रमणमा साथमा हुनुहुन्छ । मुख्य टोलीले इस्लामाबादबाट कभरेज व्यवस्थापन गर्दछ ।
पीटीभी लाहोरलाई प्रधानमन्त्रीको भ्रमणको बारेमा जानकारी दिइएको थियो तर उनले इस्लामावाद मुख्यालयलाई आफूसँग हाइटेक ल्यापटप नभएको बताए । यद्यपि, १८ अप्रिलमा, पिटिभी लाहोरले मुख्यालयलाई भन्यो कि उनीहरूले भ्रमण कभर गर्न निजी विक्रेताबाट ल्यापटप भाडामा लिएका थिए ।
यसै क्रममा स्रोतले डनलाई अर्को जानकारी दिएको छ । यसमा लाहोरका टोलीले कभरेजका लागि भिभीआईपी टोलीलाई व्यक्तिगत ल्यापटप दिएको बताइएको छ । टोलीले कभरेज पछि भिडियो अपलोड गर्न खोज्दा ल्यापटपको ब्याट्री सकिएको थियो । त्यसपछि शरीफको भ्रमणको भिजुअल बिना अडियोको सहयोगमा समाचार चलाउनु परेको थियो ।
वरिष्ठ अधिकारी भागे
त्यसको भोलिपल्ट २५ अप्रिलमा पिटिभीले भिभिआइपी कभरेजका उपनियन्त्रक इमरान बशीर खानलाई निलम्बन ग¥यो । यस्ता घटनामा यसअघि उच्च पदमा बसेका कर्मचारी निलम्बित भए पनि यसपटक दोस्रो र तेस्रो दर्जाका कर्मचारीलाई कारबाही गरिएको छ ।
साथै, कार्यवाहक कार्यक्रम प्रबन्धक कैसर शरीफलाई लाहोर केन्द्रको महाप्रबन्धकबाट सरुवा गरी सैफुद्दिनलाई थप जिम्मेवारी दिइएको छ । वर्तमान मामिलाहरु कभर गर्ने निर्माता सोहेल अहमदलाई इश्तियाक अहमदले प्रतिस्थापन गरेका छन् ।
(समाचार दैनिक भाष्करबाट लिएको छ )