अज्ञात बन्दुकधारीहरुको समुहले पाकिस्तानमा प्रहरी अधिकारीको हत्या गरे

   २० बैशाख २०७९, मंगलवार १४:१०  

इश्लामावाद । पाकिस्तानमा अज्ञात बन्दुकधारीले प्रहरी अधिकारीको हत्या गरेका छन् । पाकिस्तानको दक्षिणी वजिरिस्तान जिल्लाको प्रशासनिक केन्द्र वाना शहरमा प्रहरी उपरीक्षकको हत्या भएको हो ।
हत्या भएका प्रहरी उपरीक्षकको नाम अस्लम जावेद रहेको पाकिस्तानबाट प्रकाशित हुने डन अखबारले जनाएको छ । अखबारका अनुसार रमाजानको ब्रत तोडेपछि बाटोमा हिँड्दै गर्दा उनीमाथि अज्ञात बन्दुकधारीले गोली प्रहार गरेका थिए ।
नम्बर प्लेट बिनाको कारमा आएका बन्दुधकारीहरुले उनलाई शहरको पिर सुल्तान मस्जिदनजिकै गोली हानेको जनाइएको छ । घटनास्थलमै उनको मृत्यु भएको डनले जनाएको छ ।
चिकित्सकहरुका अनुसार उनको टाउकोमा दुई गोली लागेको थियो । घटनाको थप अनुसन्धान भइरहेको प्रहरीले जनाएको छ ।
पाकिस्तानमा पछिल्लो समय हिंसात्मक घटना बढ्दै गइरहेको बताइन्छ ।

फेसबुकबाट तपाईको प्रतिक्रिया सबै