zoom app speaker settings zoom meeting download app windows 10 zoom pc gratuit minimum pc requirements for zoom download zoom for pc 64 bit zoom for windows app zoom app download link

रामललाको जन्मभुमि अयोध्या र भागवान बुद्धको जन्मभुमी लुम्बिनी बिच भगिनी सम्बन्ध कायम

   २१ बैशाख २०७९, बुधबार १७:५०  

भैरहवा, २१ वैशाख । नेपाल भारत बीचको अटुट सम्बन्धलाई जति चर्चा गरे कम हुनेछ, वैबाहिक होस वा धार्मिक किन नहोस, रहनसहन भाषा भाषीको सम्बन्ध होस वा भगवान गौतमबुद्धको जन्मभूमि लुम्बिनी र भगवान रामको जन्मभूमि अयोध्या बीच भगिनी प्राचिनकालिन सम्बन्ध नै किन नहोस दुई देश विचको अटुट सम्बन्धलाई जति जोडेर अघि बढेमा दुबै देशलाई फायदा पुग्ने छ ।
भारतको नगर निगम अयोध्याले अयोध्या र लुम्बिनी बिच भगिनी सम्बन्ध कायम भएको औपचरिक पत्र लुम्बिनी सांस्कृतिक नगरपालिकालाई पठाएको हो ।
नगर निगम अयोध्याका मेयर ऋषिकेश उपाध्यायले बैशाख ९ गते पठाएको औपचरिक पत्रमा २ पवित्र शहर बिच भगिनी सम्बन्धको रुपमा विकसीत तथा सांस्कृतिक सहयोग आदान प्रदान गर्ने गरी सहर्ष सहमति दिईएको उल्लेख छ । पत्रमा लुम्बिनी भगवान गौतमबुद्धको जन्मस्थल भएको र यहिबाट गौतमबुद्धले विश्व शान्तीको सन्देश फैलाएको उल्लेख छ । भौगोलिक, सांस्कृतिक तथा पर्यटन, आर्थिक, शैक्षिक र प्रविधिको विकासको दृष्टिले अयोध्या धाम नगर निगम र लुम्बिनी सांस्कृतिक नगरपालिका आउने समयमा समान विकासमा सहायक हुने बताइएको छ ।
यस अघि फागुन १८ गते लुम्बिनी सांस्कृतिक नगरपालिकाका तत्कालीन नगर प्रमुख मनमोहन चौधरीले राम जन्मभूमि अयोध्या र बुद्ध जन्मभूमि लुम्बिनीको समग्र विकासको लागि भगिनी सम्बन्ध कायम गर्ने प्रस्ताव सहित अयोध्याधाम नगर निगमलाई प्रस्ताव पठाएका थिए । यसले दुबै शहरको भौगोलिक, सांस्कृतिक तथा पर्यटन, आर्थिक, शैक्षिक र प्रविधिको विकासको दृष्टिले महत्वपूर्ण सहयोग पुग्ने निर्वतमान नगर प्रमुख मनमोहन चौधरीले बताए ।
करोडौ हिन्दुहरुको आस्थाको केन्द्र राम जन्मभूमि अयोध्यामा दैनिक लाखौ तिर्थालुहरु आउने गरेका छन् । अयोध्यामा त्यहाको अदालतले राम मन्दिर निर्माण गर्ने फैसला सुनाए संगै यहाको महत्व झन बढेको नगर निगम अयोध्यामा मेयर ऋषिकेश उपाध्यायको भनाई छ ।

फेसबुकबाट तपाईको प्रतिक्रिया सबै