जनकपुरधामको स्कुल बसले ठक्कर दिँदा एक जना घाइते

जनकपुरधाम, २८ वैशाख । सिद्धार्थ शिशु सदन विद्ययालय जनकपुरधामको स्कुल बसले ठक्कर दिँदा एक जना घाइते भएका छन् ।
जलेश्वर जनकपुरधाम स्थित सडक खण्डको सहाडवाको सडक किनारमा पार्किंग गरी राखेको मोटरसाइकल नजिक उभिएको अवस्थामा स्कुल बसले ठक्कर दिँदा पिपरा नगरपालिका ५ का पवन यादव घाइते भएको हो । जनकपुरधाम स्थित जानकी हेल्थ केयर सेन्टरमा पवन यादवको उपचार भइरहेको छ । सो वडामा स्थानीय तहको निर्वाचनमा लोकतान्त्रिक समाजवादी पार्टीका तर्फबाट उम्मेदवार रहेका यादवले यो घटना बारे जनाकारी दिएका छन् । स्कुल बस र बस चालक प्रहरीको नियन्त्रणमा लिएको छ ।