रौतहट, ३० वैशाख । रौतहटमा सुरक्षा व्यवस्था अत्यन्तै फितलो भएको कारण अधिकाँश बुथहरुमा तनाव, झड्प, मतपेटिका तोडफोड, मतपेटिका लुटेर भाग्ने गरेको तथ्यहरु सार्वजनिक भएका छन् ।
यमुनामाई गाउँपालिका वडा नम्वर १ को मावी चिकना जेठरहिया क मतदान केन्द्रमा मतदान विहानै देखि सुरु भएपनि दिउसो ३.३० बजेको समयमा बादविवाद सृजना भई झड्प हुँदा मतपेटिकामा पानी खन्याएको, मतपेटिका तोडफोड गरिएपनि सुरक्षामा तैनाथ सुरक्षाकर्मीहरु घटनालाई रोक्न सकेनन ।
यसैगरी सोही गाउँपालिकाको वडा नम्वर २ भेडियाहीमा पनि २ वटा मतपेटिका दिउसो साढे चार बजेको समयमा स्थानीयहरु लुटेर भागेका छन् । मतपेटिका लुटेर भागेपनि सुरक्षाकर्मीहरु जोगाउन सकेनन ।

यसैगरी बौधीमाईको कंकालीमाई मावी सरमुजवा मतदान केन्द्र र इनर्वा मतदान केन्द्रमा बाकस तोडफोड गरी आगो लगाएको छ । यसैगरी गढीमाई नगरपालिकाको वडा नम्वर ३ र ६ मा मतदान गराउने अवस्था नरहेको बताइएको छ । यस्तै माधवनारायणको खेसरहिया अहिले पूर्णरुपमा तनावग्रस्त बनेका छन् ।
यमुनामाई गाउँपालिकामा निर्वाचन अधिकृतको रुपमा रहेका हरिप्रसाद शर्माले वडा नम्वर १ मा मतपेटिकामा क्षति पुर्याएको र वडा नम्वर २ मा मतपेटिका लिएर भाग्दा गर्दा सुरक्षाकर्मीले खोसेर ल्याएको बताए । सुरक्षा व्यवस्था किन फितलो भएको प्रश्नको जवाफमा उनले त्यो काम हाम्रो होइन जिल्ला सुरक्षा निकायका पदाधिकारीहरु संग सोधपुछ गर्नुस भन्दै पन्छिए ।
जिल्लाको अधिकाँश स्थानहरुमा छिटफुट झड्प भएको कतिपय स्थानमा प्रहरीले वल प्रयोग गरेपनि अवस्था तनावपूर्ण नै रहयो, मतदान सुचारु भएन । समग्रमा सुरक्षा व्यवस्थामा खटिएका सुरक्षाकर्मीहरुले मतपेटिकालाई जोगाउन नसक्नुमा आयोग पूर्ण रुपमा असफल भएको आरोप कतिपय सुरक्षाको जानकारहरु बताउँछन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन