नवनिर्वाचित गौर नगरको प्रमुख शम्भु साहले सम्हाले कार्यभार

रौतहट, ६ जेठ । गौर नगरपालिकाको पाँचौ नगर प्रमुखको पदमा निर्वाचित भएका शम्भु साह शुक्रवार विधिविधान एवं वैदिक मन्त्रोचारणका साथ पदभार ग्रहण गरेका छन् ।
सभाकक्षमा आयोजित सपथग्रहण समारोह पश्चाता नवनिर्वाचित नगरप्रमुख साह पूर्ण रुपमा वैदिक मन्त्रोचारणका साथ कार्यकक्षमा कुर्सीलाई ढोग्दै पद सम्हालेका हुन् । गौर नगरलाई युवा एवं समाजिक व्यक्तित्व विचारधाराले भरिएका नगर प्रमुख पाएको छ ।
आज देखि कार्यभार सम्हालेका नगरप्रमुख साहले नयाँ योजनाहरुलाई प्राथमिकताका साथ अघि बढाउने जुन नगरवासीको हितमा हुनेछ । नगरवासीको हित विपरित कुनै पनि कार्य नगर्ने प्रतिबद्धता गर्दै गौरको विकासमा हरदम समर्पित रहने बताए । पुराना योजनाहरु पुरा नगरी त्यसै छाडेकाहरुलाई अविलम्ब पुरा गर्न नत्र कारवाहीको डायरामा ल्याउने चेतावनी समेत उनले दिए ।