नयाँ दिल्ली । ३४ वर्ष पुरानो एक सडक दुर्घटना सम्बन्धी मुद्दामा भारतको उच्च न्यायलयले पञ्जाब कांग्रेसका पूर्वअध्यक्ष, कमेडियन तथा क्रिकेटर समेत रहेका नवजोत सिंह सिधुलाई एकवर्षको जेल सजाय सुनाएको छ ।
यसैवर्ष चुनाव हारेका सिधुलाई अदालती निर्णयले अर्को धक्का लागेको छ । सिधुको आक्रमणबाट एक वृद्धको ज्यान गएको थियो ।
अदालतले चार वर्ष अघिको फैसलालाई पनि पुनरावलोकन गरेको छ । त्यसबेला उनलाई १ हजार भारु धरौटीमा छाडिएको थियो ।
भारतीय संचारमाध्यमका अनुसार सिधुलाई आजै गिरफ्तार गरिने भएको छ । उच्च न्यायालयले सिधुको आत्मसमर्पण र गिरफ्तारीलाई लिएर कुनै राहतको उपाय पेश गरेको छैन ।
अदालतको आदेशअनुसार सिधु आजै जेल जानुपर्नेछ । उनलाई पटियाला जेल पठाउने तयारी भैरहेको छ । केहीबेरअघि उनी पटियालास्थित आफ्नो घरमा समेत पुगेका छन् ।
आफूले कानूनको सम्मान गर्ने प्रतिक्रिया उनले दिएका छन् । ट्वीटमार्फत कानूनको सम्मान गर्ने उनको भनाई छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन