काठमाडौं । अमेरिकी विदेश मन्त्रालयमा नागरिक सुरक्षा, लोकतन्त्र र मानवअधिकार तथा तिब्बत मामिला हेर्ने उपमन्त्री उज्रा जियाले काठमाडौं आएर तिब्बती क्याम्प प्रवेश गरेपछि चीनको खैलाबैला भएको छ ।
जियाले शनिबार जाउलाखेलस्थित तिब्बती शरणार्थी शिविरको अवलोकन गरेकी थिइन् । जियाको भ्रमणपछि बेइजिङले कडा आपत्ति जनाएको छ ।
जाउलाखेलस्थित तिब्बती शरणार्थी शिविरको भ्रमण गर्न पुगेकी उपमन्त्री जियाले तिब्बती शरणार्थीहरूको जनजीवन र उनीहरूको धारणा बुझेकी छन् ।
परराष्ट्र मन्त्रालयले भने जियाले तिब्बती शरणार्थी शिविर भ्रमण गर्ने सम्बन्धमा जानकारी नभएको बताएको थियो । उनले नेपाल सरकारलाई जानकारी नदिई तिब्बती शरणार्थी शिविरको अवलोकन गरेकी हुन् ।
नेपालमा जियाको भ्रमणलाई लिएर चीन असन्तुष्ट बनेको हो । गत बुधबार मात्रै अमेरिकी सहायक विदेशमन्त्री आउनुअघि नेपालस्थित चिनियाँ राजदूत हाउ यान्छीले गृहमन्त्री बालकृष्ण खाँणसँग भेट गरेकी थिइन् ।
अमेरिकी अधिकारीको भ्रमण र नेपालबाट हुन सक्ने चीन विरोधी गतिविधि र शान्ति सुरक्षाको विषयमा उनले ध्यानाकर्षण गराएकी थिइन् । यसका बाबजुद अमेरिकी उपमन्त्री तिब्बतीहरुको हालखबर बुझ्न पुगेपछि चीन आत्तिएको हो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन