गढीमाई नगरपालिकाको मेयरमा दोश्रो पटक श्याम यादवको जित सुनिश्चित

रौतहट, १० जेठ । रौतहटको गढीमाई नगरपालिकामा नेपाली काग्रेसको उम्मेदवार श्याम यादवको जित सुनिश्चित हुँदै गएको छ ।
नेका उम्मेदवार यादवले जसपाका उम्मेदवार अबुल कलाम संग २३३ मतको अग्रता लिएको हो । अझै १६ सय मतको गणना गर्न बाँकी रहेका छन् । निर्वतमान मेयर यादवको वडाको मतगणना हुन बाँकी रहेको हँुदा उनको जित सुनिश्चित भएका छन् ।
जसपाका उम्मेदवार अबुल कलामको आधार क्षेत्रको गणना भईसकेको र यादवको वडाको गणना जारी रहेकोले मेयर पदमा पुन ः दोश्रो पटक श्याम यादव विजयी हुने निश्चित भएको बताइएको छ ।