कोलम्बो । चरम आर्थिक संकटबाट जुधिरहेको श्रीलंकालाई संकट समाधानको लागि भारतको एक्जिम बैंकले ५० करोड डलरको लगानीलाई स्वीकृत गरेको छ ।
श्रीलङ्काको मन्त्रिपरिषद्ले मुलुकमा देखिएको चरम विदेशी मुद्रा संकटका बीच पेट्रोलियम पदार्थ खरिदका लागि भारतको एक्जिम बैंकबाट ५० करोड डलरको लगानी स्वीकृत गरेको हो ।
उल्लेखनीय कुरा के छ भने यो देश सन् १९४८ मा बेलायतबाट स्वतन्त्र भएयताकै सबैभन्दा खराब आर्थिक संकटबाट जुधिरहेको अवस्थामा पुगिसकेको छ । आयातका लागि डलर अभावका कारण मुलुकमा प्राय ः सबै अत्यावश्यक वस्तुको अभाव सृजना भएको छ ।
‘वर्तमान आर्थिक अवस्थामा पेट्रोलियम पदार्थ खरिदका लागि भारतीय एक्जिम बैंकबाट ५० करोड डलर ऋण लिने प्रस्तावलाई ऊर्जा तथा ऊर्जामन्त्रीले स्वीकृत गरेको छ,’ मन्त्रिपरिषद्को विज्ञप्तिमा भनिएको छ ।
श्रीलंकाले तेल खरिदका लागि भारतको एक्जिम बैंकबाट ५० करोड र स्टेट बैंक अफ इन्डियाबाट २० करोड डलर प्राप्त गरिसकेको ऊर्जामन्त्री कञ्चना विजेसेखेराले बताइन् । जुनदेखि श्रीलंकालाई वर्तमान विदेशी मुद्रा संकटमा इन्धन आयातका लागि ५३० मिलियन अमेरिकी डलर आवश्यक पर्ने अनुमान गरिएको छ ।
संकटग्रस्त श्रीलंकाले मंगलबार पेट्रोलको मूल्य २४.३ प्रतिशत र डिजेल ३८.४ प्रतिशतले बढाएको छ । विदेशी मुद्रा सञ्चितिको अभावका कारण मुलुकको सबैभन्दा खराब आर्थिक संकटका बीच इन्धनको मूल्यमा भएको यो कीर्तिमानी वृद्धि हो । भारतले सोमबार श्रीलंकालाई करिब ४० हजार मेट्रिक टन पेट्रोल दिएको बताएको छ । यसअघि अप्रिल २ मा भारतले श्रीलंकालाई ४० हजार टन डिजेल पठाएको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन