कर्नाटकको श्रीरंगापटनामा निषेधाज्ञा

   २१ जेष्ठ २०७९, शनिबार १७:४४  

बैंगलोर । कर्नाटकमा विश्व हिन्दू परिषदले शनिबार मण्ड्या जिल्लाको श्रीरंगापटनामा अवस्थित जामिया मस्जिदमा प्रार्थना गर्ने घोषणा गरेको छ ।
त्यस कार्यलाई मध्यनजर राख्दै धारा १४४ अर्थात् साँझ ६ बजे सम्म सम्पूर्ण शहरमा निषेधाज्ञा लगाइएको हो । बैंगलोरमा रहेका बीबीसीका सहयोगी पत्रकार इमरान कुरैशीले विश्व हिन्दू परिषदले ४ जुनमा ‘श्रीरंगपट्नम चलो’ को आह्वान गरेको जानकारी दिए ।
यद्यपि, मण्ड्याका पुलिस अधिक्षक यतीश एनले पत्रकारहरूलाई भने कि शनिबार श्रीरंगापट्टनममा कुनै ¥याली, जुलुस वा विरोध प्रदर्शनलाई अनुमति दिएको छैन । कुनै अप्रिय घटना हुन नदिनका लागि सहरमा पर्याप्त सुरक्षा व्यवस्था मिलाइएको उनले बताए । सहरमा ठूलो संख्यामा प्रहरी परिचालन गरिएको छ ।
एसपीले भने, ‘अहिले सहरमा पूर्ण शान्तिपूर्ण अवस्था छ । हामीले हाम्रा जनशक्ति तैनाथ गरेका छौँ, नेताहरूसँग कुरा गरेर निषेधाज्ञा लगाइएको छ, उल्लङ्घन गरे कानुनी कारबाही हुन्छ ।’ समाचार एजेन्सी एएनआईका अनुसार, मण्ड्याका डीसी अश्वथी एसले भने, ‘यहाँ शनिबार हुने साप्ताहिक बजार स्थगित भएको छ ।
शनिबार श्रीरंगापट्टनमको ५ किलोमिटरको दायरामा मदिरा बिक्रीमा प्रतिबन्ध लगाइएको छ । मन्दिर वरपर सीसीटीभी क्यामेरा जडान गरिएको छ र शंकास्पद गतिविधिमाथि निगरानी राख्न विशेष टोली गठन गरिएको छ ।’

फेसबुकबाट तपाईको प्रतिक्रिया सबै