काठमाडौं-तराई-मधेस द्रुतमार्ग निर्माणको जिम्मेवारी पाएका दुई चिनियाँ कम्पनी विरुद्ध सेनाले लिए एक्सन

405 Shares

नेपाली सेनाले काठमाडौं–तराई–मधेस द्रुतमार्ग (फास्ट ट्रयाक) आयोजनामा सहायक ठेक्का पाएका दुई चिनियाँ कम्पनीमाथि एक्सन लिएको छ ।

ठेक्का लिएर काम गर्नुपर्नेमा आयोजना नै होल्ड गर्ने उद्देश्यले काम नगरी ढिलाई गरेपछि सेनाले एक्सन लिएको छ । पाँच वर्षभित्र सक्ने गरी फास्ट ट्रयाकलाई सेनाले प्रतिष्ठाकै आयोजना ठानेको छ ।

सेनाको डेटलाइन पनि फेल गराएर जनताका नजरमा अरु ठेकेदारसँगै बदनाम गराउने अवस्था सिर्जना हुनेगरी चिनियाँ कम्पनीहरुले काम नगरेपछि सैनिक मुख्यालय जंगी अड्डाले एक्सन लिएको हो ।

फास्ट ट्रयाकको सुरुङ निर्माणको ठेक्का लिएका दुई चिनियाँ कम्पनी चाइना स्टेट कन्स्ट्रक्सन इन्जिनियरिङ कर्पोरेसन र पोलिचाङ्दा इन्जिनियरिङ कम्पनी लिमिटेडलाई छिटो र गुणस्तरीय काम नगरेको भन्दै सेनाले प्रारम्भिक कारवाहीमा निलम्बन गरेको छ ।

सेनाको फास्ट ट्रयाक हेर्ने विभागको निर्देशनमा परामर्शदाता योसिन इन्जिनियरिङ करर्पोरेसन–कोरिया एक्सप्रेस वे कर्पोरेसन र पियोङ्वा इन्जिनियरिङ कन्सल्टेन्ट जेभीले काममा ढिलाई गरेको र ताकेता गर्दा पनि सुनुवाइ नभएको भन्दै चिनियाँ कम्पनीलाई निलम्बनको पत्र थमाएको छ ।

निलम्बन पत्र बेइजिङ पुगेको बुझिएको छ । फास्ट ट्रयाक हेर्ने सेनाका एक उच्च अधिकारीकाअनुसार परामर्शदातामार्फत करिब दुई साताअघि चिनियाँ कम्पनीलाई निलम्बनको पत्र थमाइएको हो । चिनियाँ कम्पनीले तीन वर्षभित्र सुरुङ निर्माण सम्पन्न गर्ने घोषणासहित १३ महिनाअघि ठेक्का लिएको थियो ।

तर, सेनाको समय स्पिरिटअनुसार काम हुन सकेको छैन । चिनियाँ कम्पनी एकदमै सुस्त गतिमा गइरहेका छन् । उनीहरुको सुस्त गतिले सेनाको लक्ष्यमै प्रहार गर्ने देखिएपछि कामबाट विदा गर्ने निर्णय भएको हो ।

सेनाले परामर्शदातामार्फत पठाएको पत्रमा निर्माण कम्पनीसँग दक्ष टनेल इन्जिनियर नभएको, कमजोर मिस्त्री, डिजाइन र कार्यविधिको बेवास्ता, उपकरण तथा उचित निर्माण सामग्री पनि नभएको पनि औल्याइएको छ ।

दुबै कम्पनीले दुई चरणमा महादेवडाँडामा ३.३ किलोमिटर सुरुङमार्ग तथा मकवानपुरको धोन्द्रेस्थित सिम्पानीदेखि चालिसे खोल्सीसम्म १.३७ किलोमिटर र लेनडाँडास्थित घट्टेपाखादेखि बाँदरेखोल्सीसम्म १.४ किलोमिटर गरी दुईवटा सुरुङमार्ग र पुल निर्माणको ठेक्का पाएका थिए ।

यसमा करिब ५० अर्ब बजेटको ठेक्का छुट्याइएको थियो । फास्ट ट्रयाक सेनाले आर्थिक वर्ष २०८०/८१ मा सम्पन्न गर्ने लक्ष्य लिएको छ ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।