जम्मु कश्मीरको अति दुर्गम स्थान भदरवाहमा भारतको पहिलो ‘ल्याभेन्डर फेस्टिभल’ सम्पन्न

नयाँ दिल्ली । जम्मु कश्मीरको भदरवाहमा भारतको पहिलो ‘ल्याभेन्डर फेस्टिभल’ फेस्टिभल सम्पन्न भएको छ ।
भारतको केन्द्रीय विज्ञान तथा प्रविधि मन्त्री जितेन्द्र सिंहले भदरवाहमा भारतको पहिलो ‘ल्याभेन्डर फेस्टिभल’को उद्घाटन गरेका थिए । कार्यक्रमलाई सम्बोधन गर्दै सिंहले भने, ‘भदरवाह देशको कृषि प्रविधि स्टार्टअपको सम्भावित गन्तव्य हो, भदरवाह उपत्यकामा हुने लेभेन्डर महोत्सव केन्द्रको वर्तमान प्रगतिशील सरकारको विकासको उत्कृष्ट उदाहरण परिणाम हो ।’
भदरवाह जस्ता दुर्गम क्षेत्रका लागि प्रधानमन्त्री नरेन्द्र मोदी नेतृत्वको सरकारले विकासको सम्भावना भदरवाहमा देशकै पहिलो उच्च उचाइ चिकित्सा प्रतिष्ठान बन्न लागेको कुराबाट पनि विद्वान र अनुसन्धानकर्तालाई आकर्षित गर्ने मन्त्रीले बताए । यसका लागि भारतबाट मात्रै नभई विश्वभरीबाट यस क्षेत्रका लागि रोजगारीका अवसरहरू सिर्जना गर्नेछन् ।
यस क्षेत्रमा ल्याभेन्डर खेतीलाई उल्लेख गर्दै सिंहले भने, ‘ल्याभेन्डर रोजगारी सिर्जना र अनुसन्धानको माध्यम हो । जसले यस क्षेत्रको लागि विकासका धेरै उदाहरणहरू खोल्छ ।’
उनले भारतमा पर्पल क्रान्तिको ब्रान्ड एम्बेसडर भनिने कृषि विद् भरत भूषण जम्मू–कश्मीरका युवाहरूको लागि स्टार्टअप संस्कृतिको लागि प्रेरणा भएको बताए । मन्त्रीले वैज्ञानिक तथा औद्योगिक अनुसन्धान परिषद् (सीएसआईआर)– इन्डियन इन्स्टिच्युट अफ इन्टिग्रेटिभ मेडिसिन (आईआईआईएम) अन्तर्गत ६ वटा विभिन्न स्थानमा रहेका लैभेन्डरका लागि छ वटा डिस्टिलेसन इकाईहरूको पनि उद्घाटन गरे ।
एग्रो भोल्टिक पावर, मसुरी उत्तराखण्ड, ल्यालपुर खालसा कलेज, जालन्धर पञ्जाब र फाइन फ्रेग्रेन्स पावर लिमिटेड, मुम्बईसँग सीएसआईआर–आईआईआईएम जम्मूबीच तीन एमओयूहरू पनि हस्ताक्षर गरिएको छ । भदरवाहमा हुने ल्याभेन्डर महोत्सवमा जम्मु कश्मीर लगायत देशका विभिन्न भागबाट आएका वैज्ञानिक, प्राविधिक, प्रगतिशील किसान र कृषि उद्यमीहरू सहभागी भइरहेका छन् ।
अरोमा मिसनको दोस्रो चरणमा देशभरका ७५,००० भन्दा बढी किसान परिवारलाई लाभान्वित गर्ने लक्ष्यका साथ ४५,००० भन्दा बढी दक्ष जनशक्ति संलग्न गर्ने प्रस्ताव गरिएको छ ।