पटनाबाट नयाँ दिल्लीको लागि उडेका स्पाइस जेट विमानमा आगलागी, सबै यात्रु सकुशल

पटना (भारत), ५ असार । विहारको राजधानी पटनाबाट संघिय राजधानी नयाँ दिल्लीका लागि १८५ जना यात्रुलाई लिएर उडेको स्पाइस जेटको विमानमा अकाशमै आगो लागेपछि पुन ः पटना विमान स्थलमा विमानलाई आकस्मिक अवतरण गराउन सफल भएको छ ।
स्पाइस जेटको विमान १८५ जना यात्रुलाई बोकेर उडेको केही वेरमै विमानको बायाँ इन्जिनमा चरा ठोक्किएपछि आगो लागेका थिए । आगो लागेपछि पाइलटले बाँया साइडको इन्जिन बन्द गरेर विमानलाई पुन ः पटना एयरपोर्टमा सुरक्षित रुपमा अवतरण गराइएको हो ।
१८५ जना यातु र चार जना चालक दलको सदस्यहरु सबै सकुशल रहेको बताइएको छ । उडिरहेको विमानमा आगो लागेको जमिनबाटै देखिएको थियो । आगोलागेको देख्नेहरुले प्रहरी र विमानस्थललाई जानकारी गराएको भारतीय संचारमाध्यमहरुमा उल्लेख गरिएको छ ।