यितेन्द्र शर्मा
अफगानिस्तानको राजधानी काबुलस्थित गुरुद्वारा श्री करते परवान मा हालै गरिएको भीषण आतंककारी हमलामा एक सिख श्रद्धालुसहित दुई जनाको निधन भएको छ जबकि कम्तीमा पनि सात जना घाइते भएका हुन् । सतर्कताको दृष्टिकोणले पवित्र गुरु ग्रन्थ साहिबलाई गुरुद्वाराबाट अन्यत्र सुरक्षित स्थानमा पु¥याउने काम भएको छ । हाल कसैले यसको नैतिक जिम्मेवारी लिएको नभएपनि आतंककारी संगठन इस्लामिक स्टेट खुरासान (आईएस–के) ले यस्तो गरेको हुनसक्ने आशंका रहेको छ । यस आक्रमणपछि अफगानिस्तानमा रहेका अल्पसंख्यक सिख, हिन्दु र इशाईहरु आफुलाई असुरक्षित महसुस गरिरहेका छन् । अफगानिस्तानको पुननिर्माणमा र हालको गम्भिर आर्थिक एवं मानवीय संकटमा पनि सहयोग पु¥याउँदै आएको भारतले भने यस घटनाको सुक्ष्म विश्लेषण गरिरहेको र गहिरो नजर राखेको प्रतिक्रिया भारतका विदेश मन्त्रालयका प्रवक्ता अरबिन्दम बागचीले दिएका छन् । दोषी आक्रमणकारीमाथि उचित कारवाहीको माग र त्यहाँका अल्पसंख्यकहरुको जीउधनको सुरक्षाको माग पनि काबुलको तालिबान सरकारसित गरिएको छ । आक्रमणका कारण त्यहाँका सिख र अन्य अल्पसंख्यक समुदायमा भयमिश्रित आक्रोश रहेको छ ।
काबुलसित गुरुद्वारा करते परवानका सभापति गुरुनाम सिंहका अनुसार बिहानको प्राथना (प्रकाश) मा गुरुद्वाराभित्र ५० जना श्रद्धालुहरु सहभागि थिए । दुई ठुला बिस्फोटका कारण गुरुद्वारा परिसरका केही पसलमा आगलागी पनि भएको थियो । १०–१५ जनाको संख्यामा आएका ती आतंककारीहरुले बिस्फोट गरे लगत्तै भय एवं त्रासको वातावरण उत्पन्न भएको थियो । आतंककारीहरुको शिकार भई एक जना गार्डले पनि ज्यान गुमाउनु प¥यो । काबुलका अधिकांश हिन्दु र सिख यसै करते परबान क्षेत्रमा बसोबास गर्दछन् ।
गएको अक्टोबरमा पनि १५–२० जना आतंककारीहरुले गुरुद्वारामा प्रवेश गरी सुरक्षा गार्डलाई बाँधी आतंक मच्चाउने काम गरेका थिए । सन् २०२० को मार्चमा पनि श्री गुरु हरराय सहिब गुरुद्वारा काबुलको सर्ट बजार क्षेत्रमा आक्रमण गरी २७ जना सिखको हत्या गरेका थिए । जबकि अनेकौँ घाइते भएका थिए । आइएसका आतंककारीहरुले यसको जिम्मेवारी लिएका थिए । यसै महिनाको जुन ११ मा पनि बतखाक क्षेत्रमा काबुलको जिल्लामा गराइएको एक बिस्फोटमा अनेकौ व्यक्ति घाइते भएका थिए । त्यसभन्दा अघि पनि काबुलको जिल्ला ४ मा एउटा साईकलमार्फत बिस्फोट गराइएको थियो । मे २५ मा बल्ख प्रान्तको राजधानीमा गराइएको बिस्फोटमा परी ९ जनाले ज्यान गुमाएका थिए । जबकि १५ जना घाइते भएका थिए । आतंककारीहरुले सोही दिन काबुल शहरकै मस्जिद सरिफ हजरत जाकारियामा बिस्फोट गराएका थिए । जसमा २ जना मारिएका थिए । अफगानिस्तानमा गैर इस्लामिक नागरिक आफुलाई असुरक्षित महसुस गरिरहेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन