सर्लाही, १४ असार । भारत संग जोडिएको सर्लाहीको दक्षिणी नाकाहरुबाट लागु औषध सहितका प्रतिबन्धीत सामानहरुको ओसारपसार तिव्र रुपमा बढेको पाइएको छ ।
लागु औषधको अबैध कारोवारमा स्थानीय युवाहरु बढि संलग्न रहने गरेको यदाकदा लागु औषध संग पक्राउ पर्ने गरेकोबाट प्रष्ट भइरहेको हो ।
सर्लाहीको ग्रामिण भेग भएर लागुऔषधको ओसारपसार तिव्र रुपमा भईरहदा सर्लाही प्रहरीले पनि ग्रामिण भेगमा आफना ध्यान केन्द्रीत बनाउदा जिल्लाको विभिन्न स्थानहरुबाट लागुऔषध सहित चार जनालाई पक्राउ गर्न सफल भएका छन् ।
लालबन्दी नगरपालिका वडा नम्वर १ को ग्रामिण सडक खण्डको गोरु बजारबाट ना ३७ प ४८९५ नम्बरको मोटरसाइकलमा सवार स्थानीय २० बर्षीय जितेन्द्र कुमार महतो र २४ बर्षीय रबीन कुमार महतोलाई १० किलोग्राम गाँजासहित पक्राउ गरिएको सर्लाही प्रहरीले जनाएको छ ।
प्रहरीलाई शंका लाग्दा रोकेर चेकजाँच गर्दा स्याउको खाली कार्टुन भित्र कालो प्लास्टिकले बेरिएर प्याक गरिएको अवस्थामा उक्त गाँजा बरामद भएको जिल्ला प्रहरी कार्यालय मलंगवाका डिएसपी विजय यादवले बताए ।
यसैगरी मलंगवा नगरपालिकामा सिमापारी भारतबाट आउदै गरेको अवस्थामा चेकजाँच गर्दा १५० थान प्रतिबन्धित नाइट्रोभेट ट्याबलेट सहित रौतहट चन्द्रपुर नगरपालिका २ का १९ बर्षिय सुमित चौधरीलाई पक्राउ गरिएको छ । सर्लाहीकै कविलासी नगरपालिका वडा नम्वर ८ मा पैदल यात्रीलाई शंकाको आधारमा चेकजाँच गर्द १२ सय थान नाइट्रोभेट ट्याबलेट सहित पक्राउ गरिएको प्रहरी प्रवक्ता एवं डिएसपी यादवले जानकारी दिए ।
सुनसरी जिल्ला धरान नगरपालिका वडा नम्वर ७ का २० बर्षिय युवा एलिक्स राईलाई सहित चारैजनालाई प्रहरी हिरासतमा राखेर लागुऔषध ओसारपसार ऐन अन्तर्गत म्याद थप गरेर आवश्वयक अनुसन्धान गरिरहेको उनले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन