अमेरिकन पेस्तोल सहित तिन जना भारतीय नागरिक पक्राउ

जनकपुरधाम, १४ असार । मेड इन अमेरिकन लेखिएको पेस्तोल सहित तीन जना भारतीय नागरिकलाई सशस्त्र प्रहरीले नियन्त्रण लिएको छ ।
धनुषाको विदेह नगरपालिका वडा नम्वर १ महिनाथपुर स्थित सीमानाकामा जनकपुरधामबाट भारत तर्फ जाँदै गरेको बि आर ०६ एपी ३००८ नम्बरको मारुती सुजुकी कारलाई सीमामा तैनाथ सशस्त्र प्रहरीले चेकजाँच गर्दा सो कारको अगाडी पट्टीको बायाँ साईडको सिटमुनिबाट मेड इन युएसए लेखिएको ७.६५ राउण्ड एक थान लोड भएको पेस्तोल बरामद भएपछि कारमा सबार तीनै जना भारतीय नागरिकलाई नियन्त्रणमा लिएको हो ।
भारत बिहारको मुजफ्फरपुर–७ साहेबगंज बस्ने २९ वर्षीय राहुल रञ्जन, २० वर्षीय उज्वल कुमार र २६ वर्षीय संजय कुमारलाई सशस्त्र प्रहरीले अबैध हतियार सहित सोमवार साँझ नियन्त्रण लिएको तथा आवश्यक कारवाहीको लागि इलाका प्रहरी कार्यालय खजुरीलाई जिम्मा लगाइएको सशस्त्र प्रहरीको मधेश प्रहरी मुख्यालय छिन्नमस्ता बाहिनीले जनाएको छ ।