श्रीमतीको हत्या गरेर फरार रहेका कवारी चार महिना पछि पक्राउ

रौतहट, १५ असार । आफनै श्रीमतीको घाँटी थिचेर हत्या गरेर फरार भएको चार महिना पछि श्रीमानलाई प्रहरीले पक्राउ गरेको छ ।
गत चैत १० गते राति ७.५५ बजेको समयमा रौतहटको चन्द्रपुर नपा ९ डुमरिया स्थित मुस्लिम टोलका खर्सैद रायन भन्ने औसयद महमद कवारीले आफनो २१ बर्षिया श्रीमती तराना खातुनको घाँटी थिचेर हत्या गरेपछि सलको पासो लगाएर पंखामा झुण्डयाएर फरार भएका थिए ।
हत्या भएकी महिलाको शव चन्द्रपुर अस्पतालमा पोष्टमार्टम गरेपछि पासो लगाएर नभई घाँटी थिचेर हत्या गरेको अनुसन्धानबाट खुलेको थियो । सोही समय देखि फरार रहेका कवारीलाई रौतहट प्रहरीले पक्राउ असार ६ गते पक्राउ गरेर रौतहट जिल्ला अदालतबाट म्याद थप गरेर आवश्यक अनुसन्धान गरिरहेको प्रहरी प्रवक्ता एवं डिएसपी सुनिल मल्लले बताए ।