वागमती नदीमा पौडी खेल्न जाँदा दुई भारतीय नागरिक डुबेर बेपत्ता, १ को उद्धार

रौतहट, १८ असार । रौतहटको चन्द्रपुर नगरपालिका स्थित वागमती नदीमा पौडी खेल्ने क्रममा पानीको भेलले बगाएर दुई भारतीय नागरिक बेपत्ता भएको छ ।
भारत विहारको सीतामढीबाट विआर ०१ एचएफ ६६१९ नम्वरको निजी सवारी साधनबाट रमाइलो गर्न रौतहटको चन्द्रपुर नगरपालिका वडा नम्वर १ पौराईमा आएका थिए । सोही क्रममा तिनै जना पौडी खेल्न वागमती नदीमा जाँदा पानीको भेलले बगाउन लाग्दा दुई जना वेपत्ता भए भने एक जनालाई स्थानीयले उद्धार गर्न सफल भएको इलाका प्रहरी कार्यालय चन्द्रपुरले जनाएको हो ।
भारत सीतामढी कोट बजारका ३१ बर्षिय मयंक अग्रवाल र ३१ बर्षिय गोलुकुमनार वेपत्ता भएको इप्रका चन्द्रपुरका डिएसपी सन्तुप्रसाद जयसवारले बताए । तिन जना मध्ये २७ बर्षिय सुमन साहलाई सकुशल उद्धार गरिएको जानकारी दिर्दै बेपत्ता भएकाहरुको खोजी कार्य गरियो तर राति भइसकेको हुँदा भोली विहान खोजी कार्य गरिने उनले भने ।
उद्धार गरिएका साहको चन्द्रनिगाहपुर अस्पतालमा उपचार भईरहेको जानकारी दिदै डिएसपी जयसवारले मदिरापान सहितको रमाइलो पछि वागमती नदीमा पौडी खेल्न जाँदा यस्तो घटना भएको प्रारम्भीक अनुसन्धानमा देखिन्छ उनले भने ।