ट्रेक्टरले किच्दा भलोहियामा ६५ बर्षिय ठाकुरको मृत्यु

रौतहट, २९ असार । रौतहटको दुर्गाभगवती गाउँपालिकाको भलोहिया गाउँमा ट्रेक्टरले ठक्कर दिदा एक ६५ बर्षिय व्यक्तिको बुधवार राति मृत्यु भएको छ ।
दुर्गा भगवती गाउँपालिका वडा नम्वर २ निवासी ६५ बर्षिय किशोरी ठाकुर गर्मी छल्न आफनो घर अगाडी बसिरहेको अवस्थामा बुधवार राति करिव ८ बजेको समयमा ट्रेक्टरले किचिदा निजको घटनास्थलमै मृत्यु भएको स्थानीयहरुले बताएको हो ।
स्थानीय बासिन्दाहरुको अनुसार घर अगाडी बसिरहेका वृद्ध ठाकुरलाई किचिदै उनको फुसको घरमा समेत क्षति पुर्याए । जीवन र मरणको दोसाँधमा रहेका ठाकुरलाई तत्कालै उपचारको लागि शुकदेव चोक लगिदा चिकित्सकले मृत घोषितको बताइएको छ ।
घटना पछि ट्रेक्टर चालकलाई स्थानीयहरुले समातेर प्रहरीको जिम्मा लगाएको तथा ट्रेक्टर इप्रका गंगा पिपराको नियन्त्रणमा रहेको समेत स्थानीयले जानकारी दिएको छ । इलाका प्रहरी कार्यालय गंगापिपराको मोवाइल नम्वर ९८५५०४४१५२ फोन गर्दा उठ्न सकेन ।
प्रहरी नियन्त्रणमा रहेको चालक र ट्रेक्टर प्रहरी नियन्त्रणमा रहेको बताइएको छ ।