ट्रेक्टरको ठक्करबाट ठाकुरको मृत्यु

रौतहट, २९ असार । रौतहटको दुर्गाभगवती गाउँपालिकाको भलोहिया गाउँमा बुधवार राति ट्रेक्टरले ठक्कर दिदा एक ७० बर्षिय पुरुष व्यक्तिको मृत्यु भएको छ ।
दुर्गा भगवती गाउँपालिका वडा नम्वर २ निवासी ७० बर्षिय किशोरी ठाकुर गर्मी छल्न घर अगाडी बसिरहेको अवस्थामा गएराति करिव ८.५० बजेको समयमा ट्रेक्टरले ठक्कर दिदा निजको मृत्यु भएको जिल्ला प्रहरी कार्यालयले जनाएको हो ।
ठक्करबाट गम्भीर घाईते भएका वृद्ध ठाकुरलाई तत्कालै उपचारको लागि शुकदेव चौक स्थित शिवदर्शन अस्पतालमा पुर्याउदा गएराति ९.५ बजेको समयमा उपचारको क्रममा मृत्यु भएको जिल्ला प्रहरी कार्यालय रौतहटको प्रवक्ता एवं डिएसपी सुनिल मल्लले बताए ।
ना.३त. ५३७० नम्वरको ट्रेक्टर अनियन्त्रित भएर उक्त घटना भएको जानकारी दिदै डिएसपी मल्लले ट्रेक्टर र स्थानीय ४० बर्षिय चालक श्यामकिशोर दासलाई नियन्त्रणमा लिएर आवश्यक अनुसन्धान गरिरहेको बताए । मृतकको शवलाई प्रादेशिक अस्पताल गौरमा आज पोष्टमार्टम गरेर पिडित परिवारलाई शतगतको लागि जिम्मा लगाएको प्रहरीले जनाएको छ ।
ट्रेक्टर चालक दास संग सवारी चलाउने अनुमती पत्र लाइसेन्स नरहेको दाबी स्थानीयले गरेको र पिडित पक्षले ज्यान मुद्दामा जाहेरी दिने तयारी गरेको बताइएको छ ।