रौतहट २० साउन । रौतहटको दुई वटा सहकारी संस्थाका चार जनाले जनही २५ हजारका दरले धरौटी बुझाएर रिहा भएका छन ।
मलखाद कालोबजारीको आरोपमा जिल्ला प्रशासन कार्यालय रौतहटले मागेको धरौटी रकम उनीहरुले बुझाएका हुन । धरौटी रकम बुझाउनेमा सृजनसिल युबा कृषि सहकारी संस्था लिमिटेडका ब्यबस्थापक ओम प्रकाश घिमिरे, उन्नतीशिल बचत तथा ऋण सहकारी संस्था लिमिटेडका सदस्यहरु लक्ष्मि बिक, रजना बिष्ट र अप्सरा कार्की रहेका छन ।
प्रमुख जिल्ला अधिकारी बासुदेब घिमिरेले धरौटीमा रकम माग गर्ने निर्णय गर्दा उनीहरु धरौटी रकम बुझाएको जिल्ला प्रशासन कार्यालय रौतहटले जनाएको छ । नेपाल सरकारको अनुदानको मल सहकारी संस्थाका संचालक समितिका पदाधिकारी सहितका सदस्यले ब्यबसायी मार्फत कालोबजारी गरेको आरोपमा जिल्ला प्रशासन कार्यालय रौतहटमा मुद्दा दर्ता भएपछि उनीहरु संग धरौटी रकम माग गरिएको हो ।
ईलाका प्रहरी कार्यालय चन्द्रनिगाहपुरले कालोबजारी तथा सामाजिक अपराधमा अनुसन्धान गरी जिल्ला प्रशासन कार्यालय रौतहटमा मुद्दा दायर गरेका थिए । उनीहरु सहित नेपाल कृषी सामग्री कम्पनी लिमिटेडका प्रमुख रबी केशरी लगायत २५ जना माथि सो मुद्दा दर्ता भएको थियो ।
रौतहटका १ सय ३२ वटा सहकारी संस्थाले नेपाल कृषि सामग्री कम्पनी लिमिटेड चन्द्रनिगाहपुर बाट मलखाद खरिद गरेपनि ती सबै सहकारी संस्थाले सहुलियत दरमा किसान लाई मल बिक्री नगरेको स्थानीयको भनाई रहेको छ । किसानहरुले ती सबै सहकारी संस्थाको मलखादको कारोबारको छानबिनको माग राखेका छन ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन