बेइजिंग, १९ पुस । कोरोना भाईरस नियन्त्रण भएको दाबी गर्दै आईरहेको चीनको सियान सहरमा कोरोना भाइरसको संक्रम बढ्न थालेको छ ।
सियान सहरमा पछिल्लो समयमा ९८० जना संक्रिमितहरु फेला परेको हो । संक्रमण फैलिन थालेपछि चीन सरकारले त्यस सहरमा लकडाउन लगाएको छ । सबै संक्रमणका केस तीव्र रुपमा फैलने प्रकृतिका भएपछि चिनियाँ सरकारले तत्कालै लकडाउन गरेको समाचार एजेन्सीहरुले जनाएका छन् ।
समाचार ऐजन्सीका अनुसार, चिनियाँ अधिकारीहरुले डिसेम्बर ४ मा पाकिस्तानबाट सियान पुगेको जहाजमा ६ जनालाई कोरोना पोजेटिभ भएको फेला परेका थिए । त्यसपछि सहरमा संक्रमण दर बढ्ने कार्य तिव्र बनेको बताइएको छ । अस्ती सम्म चीनमा जम्मा २०९ जनामा नयाँ संक्रमितको संख्या थपिएका छन् । सिएनएनका अनुसार सियानमा पहिलो केस ९ डिसेम्बरमा देखिएको थियो । २९ डिसेम्बर दिउँसो सम्म उक्त सहरमा जम्मा ९८० जना संक्रमित देखिएका हुन् । सियान सहरको जनसंख्या एक करोड ३० लाख छ । जवकि संक्रमण फैलन थालेपछि यहाँ पछिल्लो एक सातादेखि लकडाउन घोषणा गरेको छ । गत डिसेम्बर २३ मा सरकारले लकडाउन लगाएको हो ।
हालै त्यस सहरमा सार्वजनिक भेला तथा सभा गर्न प्रतिबन्ध लगाइएको छ । साथै सार्वजनिक सवारी समेत ठप्प गरिएका छन् । आपतकालिन सेवा तथा एम्बुलेन्स बाहेक अन्य सवारी बन्द गरिएको छ । अन्तरराष्ट्रिय मिडियाका अनुसार सियानमा सेना समेत परिचालन गरिएको छ ।
२०१९ को डिसेम्बरमा चीनको वुहानमा पहिलोपटक कोरोना भाइरसका बिरामी देखिन थालेपछि चीनले कडा स्वास्थ्य मापदण्ड लागु गरेको थियो । जसकारण अन्य देशको तुलनामा चीनमा कोरोना संक्रमणको असर कम देखिएको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन