एजेन्सी
लाहौर । पाकिस्तानी सरकारको विरुद्ध बलुचका जनताहरु निरन्तर रुपमा प्रदर्शन गर्दै आएको छ ।
पाकिस्तानी सरकार भएपनि गैर नागरिकको व्यवहार गरिने बलुचका जनताहरु कयौं बर्ष देखि निरन्तर रुपमा सरकार विरुद्ध आन्दोलनलाई अगाडी बढाउदै आएको हो । पाकिस्तानको जमात–ए–इस्लामी (जेआई) ले आइतबार अबामी मरकजको अगाडी सरा–ए–फैसलमा सिन्ध स्थानीय सरकार (एलजी) कानुनको विरुद्ध धर्ना दिने घोषणा गरेका छन् ।
सिन्ध विधानसभा भवन बाहिर धर्ना दिने कार्यक्रम हुने जेआईले आइतबार घोषणा गरेको हो । आन्दोलनमा विमानस्थल देखि सदर सम्मको सरा–ए–फैसलको बाटो अवरुद्ध गरी प्रदर्शन गर्ने जेआईको व्यापक तयारी भईरहेको छ । सत्तारुढ पाकिस्तान पिपुल्स पार्टी (पिपिपी) र विपक्षी जमात–ए–इस्लामीले विवादित सिन्धका स्थानीय सरकारले बनाएको कानुनको विषयमा दुई चरणको वार्ता गरिसकेका छन् । प्रान्तीय मन्त्री नासिर हुसैन शाहको नेतृत्वमा रहेको सिन्ध सरकारको समितिले जेआई नेतृत्वलाई सम्पर्क गरेको थियो ।
जमात–इस्लामीले सिन्ध स्थानीय सरकार कानुनको विरोधमा प्रदर्शन गरिरहेको छ । जेईले वार्ता र प्रदर्शन सँग सँगै अघि बढाइरहेको छ । दुई पक्षबीच तेस्रो चरणको वार्ता सोमबार हुने भएको छ । प्रदर्शनको नेतृत्व गरिरहेका जेईका कराँचीका प्रमुख हाफिज नइमुर रहमानले पिपिपीका केही मन्त्रीहरूले शीर्ष नेतृत्वलाई अन्धकारमा राखेर वार्ता प्रक्रिया बिथोल्ने प्रयास गरेको आरोप लगाए । एआरवाई समाचारका अनुसार देशका भावी पुस्तालाई सामन्तवादबाट जोगाउने उद्देश्यले जेआई संघर्षमा उत्रेको हाफिजले बताएका छन् ।
उनले भने, ‘सामन्तवादी मानसिकताले पाकिस्तान पिपुल्स पार्टीलाई कब्जा गरेको छ । यसले पहिले नै प्रान्तका ग्रामीण क्षेत्रहरू कब्जा गरिसकेको छ र अब यसले सिन्धको सहरी क्षेत्रहरू नियन्त्रण गर्ने लक्ष्य राखेको छ । हामी उसलाई सफल हुन दिने छैनौँ ।’
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन