सिडनी, २० माघ । अस्ट्रेलियाले क्वाड्रिलेटरल सेक्युरिटी डायलग (क्वाड) को विदेश मन्त्री स्तरिय बैठक छिटै आयोजना गर्ने भएको छ ।
अन्तरराष्ट्रिय समाचार माध्यमको अनुसार क्वाडमा भारत, अमेरिका, जापान र अस्ट्रेलियाको विदेश मन्त्रीहरु वर्तमान सुरक्षा अवस्थाको वारेमा समिक्षा गर्दै त्यसबाट हुने सम्भावित खतराको मध्यनजर राखेर आवश्यक तयारी गर्ने सम्बन्धी बैठक दुई साता पछि अस्ट्रेलियामा आयोजना हुन लागेको हो ।
अस्ट्रेलियाली विदेश मन्त्री मारिस पेनेले बैठकको मिति सार्वजनिक गरिन्, तर उनले गत सोमबार ट्विटरमा भनेकी छिन्, “आगामी केही हप्तामा म अस्ट्रेलियामा क्वाडका विदेशमन्त्रीहरूलाई स्वागत गर्न उत्सुक रहेको छु ।” भारतका विदेशमन्त्री डा. एस जयशंकर त्यसका लागि अस्ट्रेलिया जाने तयारीमा रहेको भारतीय सञ्चारमाध्यमले जनाएका छन् ।
अमेरिकी विदेशमन्त्री एन्टोनी ब्लिङ्केनले इन्डो–प्यासिफिक समन्वयमा जापान, भारत र अस्ट्रेलियाका समकक्षीहरू सँग छलफलका लागि सहभागी हुने उनी निकट स्रोतहरूलाई उद्धृत गर्दै अन्तरराष्ट्रिय सञ्चारमाध्यमले समाचार दिएका छन् । बैठक दुई–दिवसय हुनेछ । बैठकमा चीन, युक्रेन, रुस, अफगानिस्तान, मध्यपूर्व सहित इन्डो–प्यासिफिक क्षेत्रको सुरक्षाका विषयमा छलफल हुने बताइएको छ । चीनले क्वाडलाई शीतयुद्धको निर्माण र अन्य देशहरूलाई लक्षित गर्ने समूहको रूपमा टिप्पणी गर्दै आएको छ ।
“यस क्षेत्रमा हामी रणनीतिक छनोटहरू दिन सहयोग गर्ने उदार लोकतन्त्रहरूको महत्त्वपूर्ण नेटवर्क हौं” अस्ट्रेलियाली विदेशमन्त्रीले भनेकी छिन्, “रणनीतिक प्रतिस्पर्धा, उदार अन्तररराष्ट्रिय व्यवस्थामा खतरा र बढ्दो अनिश्चितताको बीचमा प्रधानमन्त्री स्कट मोरिसनको सरकारले यस क्षेत्रमा अस्ट्रेलियाको साझेदारीलाई गहिरो बनाउँदै छ ।”
क्वाड समूहले यस क्षेत्रलाई कोभिड १९ विरुद्ध खोपको आपूर्ति बढाउने लगायत आपूर्ति श्रृंखला र प्रविधि सहयोगका बारेमा छलफल गर्ने समेत अपेक्षा गरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन