नयाँ दिल्ली, २३ माघ । चिनियाँ ऋणको भारीबाट थिचिएका श्रीलंका चरम आर्थिक संकटबाट गुज्रिरहेको छ ।
चरम आर्थिक संकटबाट अक्रान्त रहेका श्रीलंकालाई भारतीय सहयोगी हात पुगेको हो । भारतले श्रीलंकालाई ५० करोड अमेरिकी डलर ऋण सहयोग दिने भएका छन् । आर्थिक संकटबाट भारतले श्रीलंकालाई पेट्रोलियम उत्पादन एवं खरिद गर्न ५० करोड अमेरिकी डलर ऋण दिने छ । खस्कदै गएको विदेशी मुद्रा तथा ऊर्जा संकट सँग जुधिरहेको श्रीलंका र भारतबीच यससम्बन्धी सम्झौतापत्रमा हस्ताक्षर भएको छ ।
भारतको एक्सपोर्ट–इम्पोर्ट (एक्जिम) बैंक र श्रीलंका सरकार बीच श्रीलंकाका अर्थमन्त्री बसिल राजापाक्षे र भारतीय राजदूत गोपाल बागलेको उपस्थितिमा ऋणको लाइन सम्बन्धी सम्झौतामा हस्ताक्षर भएको भारतीय सञ्चारमाध्यमले जनाएका छन् । अर्थमन्त्री राजापाक्षेले संकट समाधानका लागि भारतसँग आर्थिक सहायता लिन समन्वय गर्दै आएका छन् ।
कोलम्बोस्थित भारतीय उच्च आयोगले विज्ञप्तिमा भनेको छ, ‘लाइन अफ क्रेडिट मार्फत इन्धन आयातका लागि भारत सरकारको ऋण सहयोग कोलम्बोको ‘तत्काल आवश्यकताको सम्बोधनको लागि मात्रै हो ।’ जनवरी १ मा भारतीय विदेशमन्त्री एस जयशंकर र श्रीलंकाका अर्थमन्त्री राजापाक्षेबीच भर्चुअल बैठकमा ऋण सहायता बारे सहमति भएको थियो ।
श्रीलंका सरकारले मंगलबार इन्डियन आयल कर्पोरेसनबाट ४० हजार टन पेट्रोल र डिजेल खरिद गर्ने निर्णय गरेको थियो । पछिल्ला साताहरूमा भारतले सार्क मुद्रा आदान–प्रदान सुविधालाई ४० करोड अमेरिकी डलरमा विस्तार गरेको छ । श्रीलंकालाई सहयोग गर्न एसियाली क्लियरिङ युनियन (एसियू) लाई दिनुपर्ने ५० करोड डलरको भुक्तानी दुई महिनाका लागि स्थगित गरेको छ ।
‘श्रीलंकाको सबैभन्दा नजिकको छिमेकी र लामो समयदेखिको साझेदारको रूपमा, भारत श्रीलंकालाई कोभिड पछिको अर्थतन्त्र पुनरुत्थानमा सहयोग गर्न प्रतिबद्धता जनाएको छ । यो श्रीलंकालाई भारतले हालैको ९० करोड डलर भन्दा बढीको विदेशी मुद्रा सहयोगको निरन्तरता हो,’ कोलम्बो स्थित भारतीय उच्च आयोगद्वारा जारी विज्ञप्तिमा भनिएको छ ।
दुई देशबीच इन्धन खरिदका लागि क्रेडिट लाइनका विषयमा अगस्ट २०२१ देखि वार्ता भइरहेको थियो । ‘यसले श्रीलंकाको द्रुत रूपमा घट्दै गएको विदेशी मुद्रा भण्डारमा दबाब कम गर्न मद्दत गर्नेछ,’ भारतीय उच्च आयोगको विज्ञप्तिमा भनिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन