भारतको उत्तर प्रदेशका मुख्यमन्त्री योगी आदित्यनाथ र सत्तारुढ नेपाली कांग्रेसका सांसद अभिषेकप्रताप शाहबीच टेलिफोन वार्ता भएको छ ।
फोन वार्तामा सांसद शाहले हालै सम्पन्न विधानसभा निर्वाचनमा भारी मतले विजयी भएका मुख्यमन्त्री आदित्यनाथलाई बधाई दिएका छन् । विधानसभा निर्वाचनको बिहीबार सम्पन्न मतपरिणाममा योगी र भाजपाले उत्तर प्रदेशमा भारी बहुमत ल्याएको छ । लगातार दुईपटक सरकार चलाउने रेकर्ड कायम गरेको छ ।
भाजपा र योगीको सफलतामा बधाई दिँदै सांसद शाहले नयाँ कार्यकालमा नेपाल भारत सम्बन्ध थप उचाईमा पुग्ने र राज्यसँग सम्बन्ध पनि बलियो हुने विश्वास लिएका थिए । जवाफमा मुख्यमन्त्री आदित्यनाथले धन्यवाद दिँदै नेपाल र भारतको प्राचिन सम्बन्ध अझै नयाँ उचाईमा पुग्ने बताएका थिए । उनले उत्तर प्रदेश राज्य सरकारले नेपालसँग मिलेर काम गर्ने बताएका थिए ।
वार्ताका क्रममा योगीले दोस्रो कार्यकालको मुख्यमन्त्री पदको सपथ समारोहमा सहभागी हुन निम्तो दिएको सांसद शाहले बताए । ‘उहाँले तपाई मेरो सपथग्रहण समारोहमा आउनुस् । नेपाल भारत सम्बन्धबारे बसेर कुरा गरौं भन्नुभयो,’ शाहले भने ।
योगीको निमन्त्रणमा आफू सपथ समारोहमा लखनऊ जाने सांसद शाहले बताए । उत्तर प्रदेशसँग जोडिएको कपिलवस्तुबाट निर्वाचित सांसद शाहको योगीसँग विशेष सम्बन्ध छ । योगीले उत्तर प्रदेशमा सांसद शाहलाई विशेष आतिथ्यता दिने गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन