यितेन्द्र शर्मा
आतंकवादको बारेमा चीनको भूमिका कहिल्यै प्रष्ट रहेन । आफ्नो देश भित्र लोकतान्त्रिक अधिकारको माग गर्नेलाई पनि आतंकवादी ठान्ने चीनले भारतद्वारा आतंकवादी घोषित गरिएको व्यक्तिलाई जोगाउन समय समयमा आफ्नो भिटो पाँवरको समेत प्रयोग गर्दै आएको छ । संयुक्त राष्ट्र सुरक्षा परिषदको बैठकमा भारत र अमेरिकाले जैश–ए–मोहमदका आतंककारी अब्दुल रउफ अजहरलाई प्रतिबन्धित घोषित गर्न प्रस्ताव राख्दा चीनको दोहोरो मापदण्डका कारण यो पारित हुन सकेन । संयुक्त राष्ट्र सुरक्षा परिषदका ५ स्थायी र १० अस्थायी सदस्य मध्ये एक चीन बाहेक सबैले यस प्रस्तावको समर्थन गरे । केही साता अघि मात्रै लश्करे तैयबाका आतंककारी अब्दुल रहमान मक्कीलाई पनि प्रतिबन्धित गर्ने प्रस्ताव आएको थियो, तर चीनकै कारण त्यो पनि पारित हुन सकेन । केही वर्ष अघि जैश–ए–मोहमदका प्रमुख मौलाना मसुद अजहरको विषयमा पनि चीनले यस्तै भूमिकाको निर्वाह गरेको थियो ।
जैशका आतंककारी रउफ, मौलाना मसुद अजहरका कान्छो भाई हुन् । भारतको काश्मिरमा आतंकको बिस्तार हुनुमा जैश–ए–मोहमदलाई प्रमुख मानिन्छ । जतिबेला एफएटिएफले पाकिस्तानलाई गे्र लिष्टमा राखेको छ, त्यतिबेला देखि नै अजहरलाई भूमिगत अवस्थामा राखिएको छ । परिषदको बैठकमा दुई दिन अघि नै भारतका स्थायी प्रतिनिधि रुचिरा कम्बोजले चीन र पाकिस्तानको दोहोरा मापदण्डको कडा आलोचना गरेकी थिइन । चीनले यस सम्बन्धमा आफ्नो बचाउ गर्दै थप समयको माग गरेको छ । तर आजसम्म उसको अध्ययन पूरा भएको छैन जुन विश्वास गर्न सकिन्न । आतंककारीहरुको प्रत्यक्ष अथवा अप्रत्यक्ष समर्थन कसैले पनि गर्नु हुँदैन । अमेरिका तथा भारतले आतंककारी हमलाका कारण धेरै थोक गुमाएको छ । एउटा लोकतान्त्रिक देशले धेरै कुरामा ध्यान दिनुपर्ने हुन्छ, कुनै निरंकुश शासक जस्तो उ चाहेर पनि दमनको नीति लिन सक्दैन । आतंकवादको सवालमा कुनै पनि देशले दोहोरो भूमिकाको निर्वाह गर्नु हुँदैन ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन