रौतहट । अफगानिस्तान माथि हमला गरी सत्ता कब्जा गरेका तालिबानलाई खुल्ला मनले समर्थन गर्ने देश कतार हाल यो संगठन सँग निकै रिसाएको छ ।
कतारका एक शीर्ष कुटनीतिज्ञले महिला शिक्षाका लागि तालिबानको व्यवहार असाध्यै निराशाजनक भएको र यो कदमले अफगानिस्तानलाई थप पछि धकेल्ने बताए । यदि तालिबानले साँच्चै नै एक इस्लामिक सिस्टम मार्फत् देश चलाउन चाहेको छ भने तालिबानले कतारबाट सिक्नु पर्ने समेत बताए ।
कतारका विदेश मन्त्री शेख मोहम्मद बिन अब्दुल रहमान अल थानीले एक पत्रकार सम्मेलनमा युरोपेली विदेश नीति प्रमुख बोरेल सँग कुराकानी गर्दै र थुप्रै मुद्दा सहित अफगानिस्तानमा महिलाको शिक्षा माथि रोकलाई निराशाजनक बताए । उनले भने, ‘हालै अफगानिस्तानमा जुन प्रकारको कदम उठाइएको छ, जसले अफगानिस्तानलाई विकासको बाटोमा निकै पछाडि धकेलिन सक्छ । यो निकै दुर्भाग्यपूर्ण हो । ’
स्मरण रहोस्, अमेरिकी सेना निस्किए पछि अघिल्ला केही हप्तामा अफगानिस्तानमा उथलपुथल मच्चिएको छ । कतारले यो संवेदनशील समयमा अफगानिस्तानलाई असाध्यै मद्दत गरेको छ । कतारले काबुल विमानस्थलका काम कारवाही सम्हाल्न मद्दत गरेको थियो । यसबाहेक हजारौं विदेशी र अफगानीलाई पनि यो देशबाट निकाल्न मद्दत गरेको थियो । यसबाहेक अफगानिस्तानमा तालिबानको कब्जा पछि त्यहाँ आफ्नो उच्च स्तरीय प्रतिनिधि मण्डल पठाउने कतार संसारको पहिलो देश बनेको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन