zoom for pc download filehippo zoom download for download zoom for windows offline installer download zoom for free pc zoom entertainments karaoke download

टर्की, इरान सहितको खाडी मुलुकको विदेश अधिकारीहरु संग यसै साता वेइजिंगमा भेटघाट हुने

   ११ माघ २०७८, मंगलवार १४:५३  

चीनको कुटनीतिक निकायको अधिकारीहरुद्धारा टर्की, इरान र खाडी मुलुकहरु संग भेटघाट सुरु गरेको छ ।
खाडी र चिनियाँ विदेश मन्त्रीले उनीहरु संग छुटाछुटै वार्ता गर्न यसै साता बेइजिंग जाने भएको हो । चिनियाँ विदेश मन्त्रालयको प्रतिवेदनलाई उल्लेख गर्दै रोयटर्सले जनाएका छन् ।
साउदी अरब, कुवेत, ओमान, बहराइनका विदेशमन्त्री र खाडी सहयोग परिषद्का महासचिव बेइजिङ पुगिसकेका छन् । उनीहरूले गत हप्ता सोमबारदेखि शुक्रबारसम्म देशको भ्रमण गरेका थिए । टर्कीका विदेशमन्त्री मेभ्ल्ट काभुसोग्लुले बुधबार चीन भ्रमण गर्ने कार्यक्रम रहेको छ । इरानका विदेशमन्त्री हुसेन अमिर अब्दुल्लाहियानले शुक्रबार देशको भ्रमण गर्ने कार्यक्रम रहेको छ ।
आणविक सम्झौतालाई पुनर्जीवित गर्न संयुक्त राज्य अमेरिका लगायत तेहरान माथि पश्चिमी दबाब बढिरहेको बेला इरानी विदेशमन्त्रीले उक्त देशको भ्रमण गरेका हुन् । चिनियाँ विदेश मन्त्रालयका प्रवक्ता वाङ वेनबिनले मंगलबार पत्रकार सम्मेलनमा भने, “चीन र इरानले आधारभूत मुद्दाहरूमा एकअर्कालाई बलियो समर्थन गर्दछ ।”
इरानको विदेश मन्त्रालयका प्रवक्ता सइद खातिबजादेहले सोमबार भने कि मार्चमा चीनसँग भएको आर्थिक र सुरक्षा सहयोगसम्बन्धी २५ वर्षे सम्झौता अमिर अब्दुल्लाको भ्रमणको एजेन्डामा प्राथमिकतामा पर्नेछ । २०१६ मा, अमेरिकी राष्ट्रपति डोनाल्ड ट्रम्पले ठूला शक्तिहरूसँग इरानको आणविक सम्झौताबाट संयुक्त राज्यलाई फिर्ता लिए । उक्त घटनापछि बेइजिङ इरानको अर्थतन्त्रको लागि लाइफलाइन बनेको थियो ।
सोमबार र मंगलबार क्रमश ः बहराइन र साउदी मन्त्रीहरूसँगको भेटमा चिनियाँ विदेशमन्त्री वाङ यीले इरानको आणविक कार्यक्रमबारे छलफल गरेका थिए । भियना वार्ताको हिस्सा नभए पनि साउदी अरेबिया लगायत खाडी राष्ट्रहरूले सधैं इरानको आणविक महत्वाकांक्षा, क्षेप्यास्त्र कार्यक्रम र यसको क्षेत्रीय प्रोक्सीहरूको बारेमा चिन्तित छन् ।
साउदी विदेश मन्त्रीसँग कुराकानी गर्दै वाङ यीले मध्यपूर्वका देशहरूको “न्यायिक र व्यावहारिक चासो“ लाई ध्यानमा राख्नुपर्ने आवश्यकतामा जोड दिए । दुई देशका विदेशमन्त्री बीच राजनीतिक वार्ताका अलावा आर्थिक विषयमा पनि छलफल भएको थियो । चिनियाँ अधिकारीहरूले जारी गरेको विज्ञप्तिमा बेइजिङले रियादसँग नयाँ ऊर्जा, ई–वाणिज्य, कानून र व्यवस्था र पुरातात्विक परियोजनाहरूमा सहयोग गर्न इच्छुक रहेको बताएको छ ।

फेसबुकबाट तपाईको प्रतिक्रिया सबै