कोलम्बो, १३ माघ । आर्थिक संकटबाट गुज्रिरहेको श्रीलंकालाई भारतले दुई अर्ब ४१ करोड १५ लाख अमेरिकी डलर उपलब्ध गराउने इच्छा व्यक्त गरेको छ ।
बाह्य ऋणको कारण अर्थतन्त्र संकटमा परेको श्रीलंकालाई भारतले सहयोग गर्ने इच्छा व्यक्त गरेको हो । भारतले तत्कालै श्रीलंकालाई ५० करोड अमेरिकी डलर ऋण उपलब्ध गराउने घोषणा गरेको छ ।
भारतीय विदेश मन्त्री डा. एस जयशंकर र श्रीलंकाका अर्थमन्त्री बसिल राजापाक्षे बीच गत शनिबार भर्चुअल वार्ता भएको थियो । त्यसक्रममा भारतीय विदेशमन्त्री जयशंकरले श्रीलंकाको संकटमा भारतको सहानुभूति र साथ रहने भन्दै आर्थिक चुनौती सामना गर्न श्रीलंकालाई भारतले सहयोग गर्ने बताएका थिए । कोरोना महामारीका कारण उत्पन्न आर्थिक चुनौती सामना गर्न भारत र श्रीलंका बीच सहकार्यमा जयशंकरको जोड थियो ।
भारतीय समाचार एजेन्सी एएनआईका अनुसार “सार्क करेन्सी स्वाव एरेन्जमेन्ट” अन्तर्गत भारतले श्रीलंकालाई यसै बीचमा ४० करोड अमेरिकी डलर उपलब्ध गराइसकेको छ । भारतको पौलेसी रिसर्च ग्रुपका अनुसार अमेरिकी डलर अभावका कारण श्रीलंकाले पर्याप्त इन्धन खरिद गर्न समेत सकेको छैनन् ।
श्रीलंकाले यो वर्ष मात्रै सात अर्ब अमेरिकी डलर बाह्य ऋण तथा ब्याजवापत भुक्तानी गर्नुपर्ने छ । जनवरीमा मात्रै ५० करोड र जुलाईमा एक अर्ब अमेरिकी डलर कोलम्बोले तिर्नुपर्ने छ । श्रीलंकाले चीनलाई पनि ठूलो ऋण तिर्नुपर्ने छ ।
श्रीलंकाको कुल आयात गर्नुपर्ने सामानको २० प्रतिशत इन्धन हो । मासिक एक अर्ब डलर भन्दा कम बराबर उसको निर्यात हुने गरेको छ भने श्रीलंकाले ३५ करोड डलर इन्धनका लागि मात्रै खर्च गर्नुपर्ने अवस्था छ । समाचार एजेन्सी एएनआई
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन