रौतहट, ३० पुस । बलिउडको बक्स अफिसमा धमाका मच्याएको साउथ इण्डियन चलचित्र “पुष्पा द राइज” को हिन्दी भर्सन ओटीटी प्लेटफर्म अमेजन प्राइम भिडियोमा रिलिज गरिएको छ ।
मूल रुपमा तेलुगू भाषामा बनेको यो चलचित्र तमिल, मलयालम, कन्नड र हिन्दी भाषामा डब भर्सनमा यस अघि नै बनेर प्रदर्शन भईरहेको हो ।
साउथको सुपरस्टार अल्लु अर्जुन र अभिनेत्री रश्मिका मन्दानाको मुख्य भूमिका रहेको ‘पुष्पा’ को निर्देशन सुकुमारले गरेको छ । हिन्दी बाहेक अन्य भाषामा भने यो चलचित्र एक साता अघि नै प्राइम भिडियोमा रिलिज भइसकेको छ ।
‘पुष्पा’ को हिन्दी भर्सनलाई प्राइम भिडियोले गएराति १२ बजे रिलिज गरेको हो । हिन्दीका दर्शकहरुले यो चलचित्र हेर्दा अंग्रेजीमा सब–टाइटल पनि देख्नेछन् । गत जनवरी ७ मै ‘पुष्पा’ लाई हिन्दीमा समेत ओटीटीमा रिलिज गर्ने तयारी भएपनि बक्स अफिसमा धमाका मच्चाइरहेकाले यसका निर्माताले एक सातापछि मात्र प्रसारण गर्न आग्रह गरेका थिए ।
‘पुष्पा’ ले हिन्दी भर्सनमा मात्रै हालसम्म ८० करोड भारतीय रुपैया भन्दा बढीको कमाइ गरिसकेको छ । यो चलचित्र सिनेमा हलमा डिसेम्बर १७ देखि प्रदर्शनमा आएको हो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन